COS

I.

COS

i. e. spina aut aestus, sive taedium, pater Anab et Soboba. 1. Paral. c. 4. v. 8.

II.

COS

insula in mari Aegaeo, una Cycladum.: Graece Κῶς, per contractionem, non ex κέως, aut κόως sed ex κόος. Unde male Auctores, qui τὴν Κῶ scribunt, et non Coam, sed Ceam intelligunt. Certe antiquissimi Graeci dixerunt, εν Κέῳ, ut Theophrastus, de Cea; at εν Κῷ, de Coo, ut Aristoteles. Tertullianus Co unicâ syllabâ msulam Coon vocat, quod est Graecanicum Κῶ : In Apologet. c. 40. Legimus Hieram Napaeam et Delon et Rhodon et Co insulas multis cum milibus hominum pessum abîsse. Vide Salm as. ad Solin. p. 144. et 145. Foederis Coorum cum Milesiis memoriam, servat nummus Antonini Pii, in quo Aesculapius et Venus, culti in his urbibus, ut videre est apud Iac. Sponium, Itinerar. Graeciae Part. 3. p. 179. Quia vero nonnulli etiam insul. Ceam Κῶ dixerunt, hinc Κῶς Μεροπὶς cognominari coepit Insula Cariae, ad Atticae Insul. Ceae distinctionem, uti idem Salmasius notat, ubi supra.

III.

COS

inter operarios lapides, memoratur Plinio, l. 36. c. 22. Nunc ad operarios lapides transire conveniat, primumque cotes ferro acuendo. Multa earum genera; Creticae diu maximam laudem habuerunt: secundam Laconicae ex Taygeto monte, utraeque oleô indigentes. Inter aquarias naxiae laus maxima fuit, mox Armeniacae --- ex oleo et aqua Ciliciae pollent, ex aqua Arsinoeticae. Repertae sunt et in Italia aquae trabentes aciem acerrimô affectu etc. Nempe aquariae cotes dictae, quae aquâ aspergi inter acuendum postulant; Aliae fuêre oleariae, quae oleô tangebantur: Omnes attritu ferrum acuebant; Sed et mortaria ex cote lapide fiebant, vel cos mortarii vice terendis collyriis adhibebatur; ut marmora sunt, quibus colores terunt ac miscent Pictores, Plinius idem, l. 36. c. 22. Inprimis vero in Romana Historia Cos celebris est, quam Atius Navius Augur novaculâ dissecuit, in Comitio, eâdem religione, sub ara quadam, defossa et sacrata, ac fulgurum reliquiae vel lapides fulminum, de qua vide pluribus disserentem Salmas. ad Solin. p. 1137. et seqq. ut et infra, in voce Navia Ficus.

IV.

COS

urbs Aegypti, Steph. in Insula cognomine, e cuius adverso Cynopolites Nomus et Metropolis Cynopolis fuit, uti docet ex Ptolemaeo Salmasius, contra illos, quo Co Metropolim stratuunt cynopoliticae praefecturae, Ibid. p. 452.